الاسم فلان ابن فلان
الوطن غربة مكان
في البداية انا جيت بصرخة وف حتة قماشة لفوني لف
ياخوفي يا اما اعود بصرخة وف حتة قماشة لفني لف
اهداء الي
المدينة المهجورة
مفيش حاضر يعيد ماضي
ولا قصة بتتكرر
مادام ساكن هنا جوايا
ازاي منك أنا اتحرر
أنا شايفاك ف كل مكان
حتي ف وجعي ليه بلاقيك
ورغم الوحدة وفراقنا
ف عز البعد ليه بناديك
والعمر ماشي وبيعدي
وكل آخر له نهاية
ولو عدي يدوب طيفك
يعود حبك كده جوايا