طب احكيلك
عن الوحدة عن الغربة
عن الاحلام
عن الدمعة اللي نزلت جري علي خدي
بلا استئذان
عن الضحكة اللي فارقتني
وسكنت بس فوق صورة
علي الجدران
عن الدنيا اللي بتشعلق ف أحلامنا
سنين وسنين
عن الحضن اللي متشعبط
ف أي حنين
طب احكيلك
عن الفرحة اللي حسيتها
وأنا وياك
عن العمر اللي طول عمره
بيستناك
عن الروح اللي راضيه تروح
بس فداك
عن اللمسه
عن النظرة
عن البسمه
عن الدنيا اللي حسيتها
بس معاك
