داء العشق

اقرب انت تبعدني
وابعد ليك تقربني
يعدي يوم ورا التاني
تموت ياما حاجات بينا
حاجات كانت بتسعدني


وبستغرب لأحوالك
بداري دمعتي قصادك
داء العشق صابني ولا صابك
يدوب بس تتبسم

ف لحظة القلب يصفالك 

وارجع تاني وأتوجع
وأقول لازم بقي تسمع
وعمري ما تاني يوم هرجع
حكيت قصتك وياها
قصتك وياها توجع

عشق

ويا ع الفرحة ف عيونه بطلتها
تدب خطاها فوق أرضه
بتأذن للسما تحكي
حكايته ويا حكايتها

 وكان يتمني
تطول إيده سبع سماوات
تدوب الشمس فوق كفه
فينثرها  دهب  لحبيبته
تخطي عليه كما الملكات

ويخطف م السما سحابة
ويغزل منها طرحتها
وتوب أبيض
ويسرق م النجوم حبة
وتلبس تاجه فوق راسها
ويكتب فوق علي جبينه
أنا عاشق أميرة الأميرات

ريحة الفراق

حاسه بريحة  الفراق

بتسكن روحي توجعني 

وطول عمرك تحب غنايا 

ولو غنيت هتسمعني 

هتتحمل وجع اهاتي ف الموال 

ترد بليل طويل قاسي

 يودعني
 إبعد أد ما تقدر
وطول حد السما وأكتر
أنا عارفة بكونلك إيه 

يا ساكن جوه روح روحي 

يا روح متعشقه ف روحي
يا روح دايما بتوجعني

تقول بيني وبينها بلاد

منا ساكنة ف كل بلادك
أنا نورك أنا زادك

بيني وبينك ملحمة
بيني وبينك كام سما
فوقها الملايكه بيرقصوا
بيني وبينك سيمفونية
وحضنك انت مسرح كبير
 كل النغم ليه انحني

حد السما

إبعد أد ما تقدر

 وطول حد السما واكتر

أنا عارفه بكونلك ايه 

يا ساكن جوه روح روحي 

يا روح متعشقه ف روحي 

ولو ع الصبر 

أنا ياما قدرت عليه

بيني وبينك ملحمة
بيني وبينك كام سما
فوقها الملايكه بيرقصوا
بيني وبينك سيمفونية
وحضنك انت مسرح كبير
 كل النغم ليه انحني