لأنك واحشني

فيه حاجه ناقصة ف كل الصور
من غير ملامحك
باضحك وبافرح وببكي واثور
وباهدي ف لحظه وأغمض عيوني
كأني ف حضنك
بكون ويا ناسي وأهلي وحبايبي
ف عز ابتسامتي بتنزل دموعي
لأنك واحشني
لكن غصب عني لايمكن هسامحك
علي اد حبي وشوقي وهيامي
هديتك سنيني وعمري وغرامي
مع كل ده هاديت قلبي جرحك
وكام صورة ليك فوق الحيطان
يوماتي تاخدني لمليون ميعاد
ودايما تاخدني لعنده يا قلبي
وفجأه تقولي بقيتوا بعاد