ضربوا الودع
يا بلد فيكي الظلم افتري
والغلبان كل ما يقدم خطوة
ترجعيه الف لورا
يمكن تكون فينا المشكله
بنبعد ونلعن سلسفيل غربتك
ما القلب بحبك مبتلي
آه يا بلد غاوية تمشي بضهرها
تايهه ف طريق وخايفة م اللي يدلها
بيقولوا السكة ليكي قريبة
وانتي سكة مستحيل نوصلها
ضربوا الودع حتي قروا كف الزمن
حبة خيوط متشبكة وبين قوسين (أهو وطن)
كان لازم يسموكي بهية
علشان ياسين آخر الحكاية اتقتل
ليست هناك تعليقات:
إرسال تعليق