مش مهم

مش مهم تحكيني حكاية لاصحابك
او صورة شايلها في كتابك
ترسم فستاني وشكل كلامي

 واديك في ادية وحاضن احلامي
 المهم اني اغير مجري حياتك
اكون مبدا في جميع اوقاتك
لو فرق بينا البعد يفضل فينا شبة من بعض
افتكرك وسنين العمر بتجري
افتكرك من الخصلة البيضة في شعري
محفور ويا التجاعيد فوق وشي
افتكرك من فرحة ابني في اول حب
افتكرك مع انك اب ويمكن جد
مش مهم يتحقق حلمك او لا
وكفاية انك عشت اللحظة وقلبك دق
المهم اني افضل جواك الحلم